ગુજરાત વિધાનસભાની તારીખો જાહેર થઈ ગઈ છે:પહેલુ ચરણ: ૮૭ સીટો માટે ૧૧ ડિસેમ્બરે ચૂંટણી, બીજું ચરણ: ૯૫ સીટો માટે ૧૬ ડિસેમ્બરે ચૂંટણી, મતગણતરી ૨૩ ડિસેમ્બરે થશે.સાંજે ટીવી પર આચારસંહિતા જાહેર થઈ એ સાથેજ નરેન્દ્ર મોદી સરકાર દ્વારા ચાલતું વન્દે ગુજરાત ટીવી બરાબર ૫.૧૬ વાગ્યે બંધ થઈ ગયું છે.

બે તબક્કામાં ચૂંટણી ભાજપના લાભમાં હોવાનો નિષ્ણાતોનો મત છે. કેટલાક સમય પહેલા દિલ્હીથી ચૂંટણી પંચની ટીમ ગુજરાતના રાજકીય પક્ષોને સાંભળવા માટે અમદાવાદ આવી હતી ત્યારે કોંગ્રેસે એક જ દિવસમાં ચૂંટણી પતાવવાની માંગણી કરી હતી જ્યારે ભાજપે બે તબક્કામાં ચૂંટણીની માંગણી કરી હતી. ભાજપ માટે બે તબક્કા એટલા માટે મહત્વના છે કારણકે તેના સ્ટાર પ્રચારક નરેન્દ્રભાઈ આના કારણે વધુ સારી રીતે પ્રચારમાં દરેક સ્થાનને ન્યાય આપી શકશે.

ચૂંટણી જાહેર થતાજ કોંગ્રેસના અર્જુનભાઈ મોધવડિયાએ નિવેદન આપ્યું હતું કે મોદી સરકારમાં કાયદો અને વ્યવસ્થા જેવું કંઈ છે નહીં માટે પહેલી જ વાર ગુજરાત જેવા રાજ્યમાં ચૂંટણી પંચે બે તબક્કામાં મતદાન આપ્યું છે.