ઉત્તર પ્રદેશના લાલબિહારી પર આધારીત આ ફિલ્મ માટે અભિષેક તારીખ જ ફાળવતો નહોતો

લાલ બિહારી જીવતો હોવા છતાં સરકારી અધિકારીઓએ તેને મૃત જાહેર કર્યો હતો. તે ખરેખર જીવતો છે એ સાબિત કરવા માટે લાલબિહારીએ ૧૮ વર્ષ લાંબો કાનૂની જંગ છેડયો હતો અને તેણે એ સાબિત કરી આપ્યું હતું કે સરકારી અધિકારીઓએ ભૂલમાં તેને મૃત્યુ પામેલો જાહેર કર્યો હતો.
આ ફિલ્મ માટે અભિષેક બચ્ચનને પહેલાં સાઈન કરવામાં આવ્યો હતો અને આ ફિલ્મનું શૂટિંગ ડિસેમ્બર મહિનાથી શરૃ થવાનું હતું. પણ ત્યાર પછી એ ફિલ્મ આગળ જ વધી શકી નહોતી. તેનું મુખ્ય કારણ એ હતું કે અભિષેક આ ફિલ્મ માટે તારીખો જ ફાળવતો નહોતો. કરોલ બાગ પ્રોડકશન્સ અને મિરચી મુવીઝનાં નિર્માતાઓ અભિષેક બચ્ચનની તારીખો મળે એની રાહ જોતાં- જોતાં થાકી ગયા હતા એટલે તેમણે આ ફિલ્મમાં નાના પાટેકરને લેવાનો નિર્ણય કરી લીધો હતો. અભિષેક બચ્ચને બીજી ફિલ્મો માટે તારીખો ફાળવી દીધી હતી અને આ ફિલ્મ વિવાદાસ્પદ વિષય પરથી બની રહી હોવાથી તે જરા મૂંઝવણમાં પણ હતો. મિરચી મુવીઝનાં મુનીશ પુરીએ આ અહેવાલ સાચાં હોવાનું જણાવીને કહ્યું હતું કે, 'હા! ફિલ્મમાં લાલબિહારીની ભૂમિકા કરવા માટે અમે નાના પાટેકરને લેવાનો વિચાર કર્યો છે. આ અંગે અમે નાના પાટેકર સાથે બેઠકો યોજી છે, જોકે, તેણે હજી સુધી સત્તાવાર રીતે આ ફિલ્મ સાઈન કરી નથી. અત્યારે આ ફિલ્મની નિર્માણ પૂર્વેની તૈયારી ચાલી રહી છે અને સપ્ટેમ્બર ૨૦૦૮થી આ ફિલ્મનું શૂટિંગ શરૃ કરવામાં આવશે.

આ અંગે સતીષ કૌશિકે જણાવ્યું હતું કે, 'હા! એ વાત સાચી છે કે અમે નાના પાટેકર સાથે વાતચીત કરી છે. અત્યારે નાના પાટેકર પૂણેમાં પગની ઈજાની સારવાર લઈ રહ્યો છે, અમે ત્યાં જઈને તેને મળ્યા હતા. નાના પાટેકર જે પ્રમાણે તારીખ ફાળવે ત્યાર પછી અમે આ ફિલ્મનું શૂટિંગ આ વર્ષે શરૃ કરીશું.'
સતીષ કૌશિકને અભિષેક બચ્ચન વિશે પૂછવામાં આવ્યું ત્યારે તેણે એમ જણાવ્યું હતું કે, 'અમે આ ફિલ્મ માટે અગાઉ અભિષેકને લેવાનો અંતિમ નિર્ણય કર્યો જ નહોતો.

Comments (0)

Subscribe to this comment's feed

Name

Email

Website

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment