હૃતિક રોશને જન્મદિવસ હોવાથી ઘરે હવન અને પૂજાનું આયોજન કરી જન્મ દિવસ ઉજવ્યો

આ અંગે સુમાહિતગાર સાધનોએ જણાવ્યું હતું કે, 'ફિલ્મક્રાફ્ટના બેનર હેઠળ બનનારી ફિલ્મ માટે રાકેશ રોશન સોનમને સાઈન કરવા માગે છે, એ જાણીને જ અનિલને અનેરો રોમાંચ થયો હતો. તેણે તરત જ સોનમને હૃતિક રોશન સામે લેવાની પરવાનગી આપી દીધી હતી.' 'રાકેશ રોશને 'સાંવરિયા' ફિલ્મ જોઈ છે અને એ ફિલ્મમાં સોનમનો અભિનય જોઈ તેઓ ખૂબ જ પ્રભાવિત થયા છે. તેઓ એમ માને છે કે સોનમ ઉત્કૃષ્ટ અભિનેત્રી છે. તે એમ પણ માને છે કે તેનાં પુત્ર સાથે સોનમ કપૂરની જોડી સારી લાગશે. અભિષેક બચ્ચન અને સોનમ કપૂરની જોડી 'દિલ્લી ૬' નામની ફિલ્મમાં આવવાની છે, એ જોડી લોકપ્રિય થાય તે અગાઉ હૃતિક રોશન અને સોનમની જોડી લોકપ્રિય થાય એવી તેની ઇચ્છા છે,' એમ આ સાધને વધુમાં જણાવ્યું હતું.

આ અંગે રાકેશ રોશનનો સંપર્ક સાધવામાં આવ્યો તો તેમણે આ વાતનો સ્વીકાર કર્યો નહોતો કે ઇન્કાર પણ કર્યો નહોતો. તેમણે માત્ર એટલું જ જણાવ્યું હતું કે, 'હજી તો હું એ ફિલ્મની પટકથા પર ધ્યાન આપી રહ્યો છું.'દરમિયાન, હૃતિક રોશનનો આજે (ગુરુવાર, તા. ૧૦મી જાન્યુઆરીએ) જન્મદિવસ છે. તે આજે ૩૪ વર્ષનો થયો છે. આજે હૃતિક રોશનના જૂહુમાંના નિવાસસ્થાને એક નાનકડા હવન અને પૂજાનું આયોજન કરવામાં આવ્યું હતું.
આ પૂજા પછી કુટુંબના બધાં સભ્યો મળીને લંચ લેવાના હતા.હૃતિક રોશનને ઘૂંટણમાં ઇજા થઈ હોવાથી તે આરામ ફરમાવી રહ્યો છે, તેથી તે કોઈ મોટી પાર્ટી કરવા માંગતો નહોતો. ગઈ કાલે (બુધવારે) સાંજે તેની બહેન સુનયનાનો સંપર્ક સાધવામાં આવ્યો ત્યારે તેણે માત્ર એટલું જ જણાવ્યું હતું કે જન્મદિવસે હૃતિકની શી યોજના છે તેની અત્યારે જરાય જાણ નથી.
સુમાહિતગાર સાધનો તરફથી જાણવા મળ્યું હતું કે, 'હૃતિક, સુઝાન અને પુત્ર રેહાન ઉપનગરની એક પોશ રેસ્ટોરાંમાં ડીનર માટે જાય એવી શક્યતા છે અને ત્યાં તેમની સાથે સુઝાનના માતા-પિતા સંજય ખાન અને ઝરીન તેમજ ભાઈ-બહેન સિમોન, ફરાહ અને ઝાયેદ પણ જોડાય તેવી શક્યતા છે.

Comments (0)

Subscribe to this comment's feed

Name

Email

Website

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment