Recipe of Handvo explained in Gujarati text

હાંડવો
માત્રા: ૪ થી ૫ વ્યક્તિ

સામગ્રી:

– ૨ કપ ચોખા, ૧ કપ તુવેરની દાળ, ૧ કપ ચણાની દાળ, ૧ કપ અડદની દાળ, ૧ કપ દહીં, ૪ ચમચી ઘઉંનો જાડો લોટ, ૨૫૦ ગ્રામ દૂધી, ૨ ચમચી વાટેલાં આદુ-મરચાં, ૨ ચમચી મેથિયાંનો મસાલો, ૨ ચમચી ગોળ, ૧ ચમચી મરચું, ૧૦ કળી લસણ, અડધી નાની ચમચી હળદર, ૨ ચમચી અથાણાનો રસો, તેલ પ્રમાણસર, ચપટી સાજીનાં ફૂલ, ૧ ચમચી રાઈ, ૨ ચમચી તલ, મીઠું પ્રમાણસર

રીત:

– ચોખા અને દાળ ધોઈ, સૂકવી, કકરાં લાડવાના લોટ જેવાં વાટવાં. ચોખા, દાળ પલાળીને, મિક્સરમાં વાટીને પણ થાય. તેમાં દહીં નાખીને વાટવું. બાકીની સામગ્રી નાખવી.

– કોરા લોટમાં ૩ ચમચી દહીં નાખી, બધો મસાલો નાખી, હૂંફાળા પાણીથી લોટ પલાળવો. તેમાં દૂધી છીણીને નાખવી.

– શિયાળો હોય તો દહીં થોડુંક વધારે નાખવું અને ૬ કલાક પલાળવું. ઉનાળો હોય તો દહીં ઓછું નાખવું અને ૪ કલાક પલાળવું.

– જ્યારે હાંડવો મૂકવો હોય ત્યારે ૨ ચમચી તેલ, જરૂરી પાણી, સાજીનાં ફૂલ ગરમ કરીને નાખીને બરાબર હલાવવું. પછી હાંડવાના કૂકરને તેલથી ગ્રીસ કરી ખીરું નાખી દેવું. તેની ઉપર તેલ,રાઈ અને તલનો વઘાર કરી ખીરા ઉપર પાથરવો.

– ૫ થી ૧૦ મિનિટ ગેસ ફાસ્ટ રાખવો. પછી ધીમો રાખવો. પોણા કલાકે હાંડવો થઈ જશે.

– નોન-સ્ટીકમાં પણ હાંડવો મૂકી શકાય. એક બાજુ થઈ જાય એટલે બીજી બાજુ ફેરવવો. ઓવન, માઈક્રોવેવમાં પણ હાંડવો કરી શકાય.

🗃️ This story is from our archives and may contain outdated information.