સુરતઃ સુરત મહાનગરપાલિકાના મહત્વાકાંક્ષી પ્રકલ્પ તાપી રીવરફ્રન્ટ ડેવલપમેન્ટ અને રીજુવેનેશન પ્રોજેક્ટ માટે વર્લ્ડ બેંક પાસે નાણાંકીય સહાય મેળવવાના ઉપક્રમે “વર્લ્ડ બેંક” ની ટીમ Fourth Preparation Mission (Hybrid), માટે તા.૧૩/૧૦/૨૦૨૩ના રોજ “વર્લ્ડ બેંક”ના વિવિધ ક્ષેત્રોનાં તજજ્ઞો સુરત શહેર, સુરત મહાનગરપાલિકાના વિવિધ વિષયો પરત્વે વિવિધ વિભાગો સાથે ચર્ચા – વિચારણા, પ્રેઝન્ટેશન, સાઇટ વિઝીટ, વિગેરે સહિતની વિવિધ પ્રવૃત્તિઓ અર્થે સુરત શહેરની મુલાકાતે આવ્યા હતા.

જેના ઉપક્રમે મ્યુનિસિપલ કમિશનર દ્વારા શુક્રવારે મીટિંગ દરમ્યાન તાપી રીવરફ્રન્ટ/બરાજ વિગેરે પ્રોજેક્ટોની જરૂરિયાત તેમજ સદર પ્રોજેકટથી સુરત શહેરને થનાર લાભ વિગેરે બાબતે વર્લ્ડ બેંકના પ્રતિનિધી સાથે સધન ચર્ચા કરી હતી.

થયેલ ચર્ચા મુજબ હાજર રહેલ તજજ્ઞો સાથે સુરત મહાનગરપાલિકાના વિવિધ વિભાગોના વિવિધ અધિકારીઓ તથા કન્સલ્ટન્સના પ્રતિનિધિઓ સાથે ટેકનિકલ બાબતો તથા અન્ય બાબતો એ પ્રોજેક્ટ સંબંધિત ચર્ચા કરી તેને તાપી રિવરફ્રન્ટના માસ્ટર પ્લાનમાં આવરી લેવા સૂચના આપવામાં આવી હતી.