સંજય રાઉતે જ્યારે 70 સેકન્ડમાં મહિલાને 26 ગાળો આપી

મુંબઈઃ ભ્રષ્ટાચારના કેસમાં પકડાયેલા શિવસેના (ઉદ્ધવ જૂથ)ના નેતા સંજય રાઉતે તાજેતરમાં એક મહિલાને ફોન ઉપર બેફામ ગંદી ગાળો આપી હોવાનો એક ઑડિયો વાયરલ થયો છે.

રવિવારે ઈડી દ્વારા રાઉતની ધરપકડ કરવામાં આવી તેના એક અથવા બે દિવસ પહેલાં તેમનો આ ઑડિયો વાયરલ થયો હતો જેમાં રાઉત મહિલાને ધાક-ધમકી આપતા હોવાનું તથા બેફામ ગાળો બોલતા હોવાનું સ્પષ્ટ સંભળાય છે.

વિવિધ મીડિયા અહેવાલ અનુસાર પાત્રા ચાલ કેસમાં સાક્ષી બનેલા એક મહિલાને સંજય રાઉતે ગાળાગાળી કરીને ધમકી આપી હતી. એક યુઝરે આ અંગેની સમાચાર ચૅનલની ક્લિપ શૅર કરીને લખ્યું હતું કે, સંજય રાઉતે 70 સેકન્ડની વાતચીતમાં એ મહિલાને 26 ગાળો આપી હતી.

How horrible

But not at all shocking

Sanjay Raut giving a lady 26 gaalis in 70 seconds

We have seen him abusing Kangana Ranaut, BJP leaders & harassing Dr Swapna Patkar

Thank God,he’s no longer in Shiv Sena

He’s in Uddhav Sena#SanjayRautExposed pic.twitter.com/9EEuwTRGTQ

— PallaviCT (@pallavict) July 30, 2022

સભ્ય સમાજના લોકો સાંભળી પણ ન શકે એવી અભદ્ર ગાળો રાઉતે આપી હોવાનું આ વાયરલ ઑડિયોમાં સાંભળી શકાય છે.

આ ક્લિપના જવાબમાં અન્ય અનેક યુઝરે કોંગ્રેસ નેતા પ્રિયંકા ગાંધી ઉપરાંત કોંગ્રેસ પક્ષની અન્ય અગ્રણી મહિલા નેતાઓને ટૅગ કરીને પ્રશ્ન ઉઠાવ્યા હતા કે મહારાષ્ટ્રમાં તમારા સાથી પક્ષના નેતાના આવા અતિશય અભદ્ર વર્તનને તમે વખોડી કાઢશો કે કેમ.

દેશ ગુજરાત