ચંદીગઢમાં મોહાલી ખાતેના પંજાબ ક્રિકેટ એસોસિએશન સ્ટેડિયમ ઉપર આવતીકાલે શુક્રવારે આઈપીએલની ૧૦મી મેચમાં કિંગ્સ ઇલેવન પંજાબ મુંબઈ ઇન્ડિયન્સ સામે ટકરાશે. હરભજનસિંઘના નેતૃત્વમાં મુંબઈ ઇન્ડિયન્સની ટીમ હજુ સુધીની તેની બંને મેચો હારી ચૂકી છે. જેથી મુંબઈ ઇન્ડિયન્સ માટે આવતીકાલની મેચ ખૂબ જ મહત્ત્વપૂર્ણ છે. બીજી બાજુ કિંગ્સ ઇલેવન પંજાબની ટીમ પણ બંને મેચો હારી ચૂકી છે. માસ્ટર બ્લાસ્ટર સચિન તેંડુલકરની ગેરહાજરી મુંબઈ ઇન્ડિયન્સ માટે ચિંતાજનક બનેલી છે. વેસ્ટ ઇન્ડિઝના ઓલરાઉન્ડર બ્રેવોના સમાવેશથી મુંબઈ ઇન્ડિયન્સની ટીમ પ્રમાણમાં મજબૂત બની છે. પ્રથમ મેચમાં જ બ્રેવોએ બોલિંગ અને બેટિંગ બંનેમાં તાકાત દર્શાવી હતી પરંતુ શ્રીલંકન ઝડપી બોલર લાસિત મલિંગાની ગેરહાજરી બોલિંગમાં સ્પષ્ટ દેખાઈ રહી છે. આવતીકાલની મેચમાં મુંબઈ ઇન્ડિયન્સ અને કિંગ્સ ઇલેવન પંજાબ જીતવાના પ્રયાસ કરશે.

સચિન તેંડુલકર અને યુવરાજસિંઘ આમને સામને આવે તેમ ક્રિકેટ ચાહકો ઈચ્છે છે. સચિન અંગે હજુ કોઈ સ્પષ્ટતા કરાઈ નથી. યુવરાજસિંઘની ટીમમાં જેમ્સ હોપ્સ, મહેલા જયવર્ધને, સાયમંડ, કટીચ, બ્રેટ લી, ઇરફાન પઠાણ, સરવન જેવા ખેલાડીઓ છે. આ ઉપરાંત કુમાર સાંગાકારા પણ છે. સ્ટાર ખેલાડીઓ હોવા છતાં આ તમામ ખેલાડીઓ હજુ સુધી ચમકી શક્યા નથી. યુવા ખેલાડીઓએ ચોક્કસપણે સારો દેખાવ કર્યો છે. જયવર્ધને નિષ્ફળ રહ્યો છે. શ્રીસંત, જેમ્સ હોપ્સ, બ્રેટ લી ઉપર બોલિંગની મુખ્ય જવાબદારી રહેશે. ન્યૂઝીલેન્ડના મિલ્સને આવતીકાલની મેચમાં રમાડવામાં આવે તેમ માનવામાં આવે છે. બીજી બાજુ મુંબઈ ઇન્ડિયન્સ માટે બોલિંગ ચિંતાજનક બની રહી છે. સનથ જયસૂર્યા પણ હજુ સુધી નિષ્ફળ રહ્યો છે. જયસૂર્યા અને સચિનની ઓપનિંગ જોડી ચાહકો જોવા ઈચ્છે છે. રોબિન ઉથપ્પા ચોક્કસપણે લોકોને પ્રભાવિત કરવામાં સફળ રહ્યો છે. મેચનું જીવંત પ્રસારણ આવતીકાલે રાત્રે ૮ વાગ્યાથી સેટ મેક્સ પરથી કરવામાં આવશે.

કિંગ્સ પંજાબનો સુકાની યુવરાજ એક મેચમાં સફળ થયો છે તેમ જ તેણે તેની ક્ષમતા મુજબ બેટિંગ કરવા માટેની ગ્રિપ મેળવી લીધી છે, જ્યારે તેંડુલકરના સમાવેશથી આ ટીમ વધુ મજબુત બની છે, હરભજનની આગેવાનીમાં ટીમે બીજી મેચમાં સારો એવો પ્રયાસ કર્યો હતો. આમ, હવે પોતાની પ્રથમ જીત હાંસલ કરવા માટે બંને ટીમો સારો પ્રયાસ કરશે. જેના કારણે ક્રિકેટપ્રેમીઓને આજની મેચમાં સારો રોમાંચ જોવા મળશે.

આઈપીએલ પોઇન્ટ્સ ટેબલ

*આ પોઇન્ટ ટેબલ ૨૪મીએ રમાયેલી મેચ પહેલાનાં છે

Comments (0)

Subscribe to this comment's feed

Name

Email

Website

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment